طعام

مطبخ الهيام وكل جديد

في مطبخنا مفيش مستحيل

متابعة / نجوى راغب

تقديم / هيام عبدالمنعم نصر

طريقة عمل الكبده
كبده بلدى او مجمدة عادى
نص معلقه سكر صغيره
كسبره ناشفه
بصل بودر
ملح
شوية كمون صغيرين
فلفل اسمر
معلقتين طحينه
فلفل الوان مقطع شرائح
قرن فلفل حامي
بصل
ثوم مفروم
زيت
– تجيبى الكبدة سواء كبدة بلدى او مجمدة عادى وتقطعيها شرايح رفيعة
– تحطى الثوم و الكسبره و شوية الزيت و السكر صغيره و البصل بودر و الفلفل الاسمر و الطحينه فى الكبة وتضربيهم مع بعض و تحطيهم على الكبدة و تدخليها الفريزر ساعة على الاقل
– تجيبى طاسة وتحطى فيها شوية زيت والبصل والفلفل الالوان والحامى وتشوحيهم كويس
– تجيبى بقى طاسة تانية و تحطى فيها سمنة وأول ماتسخن تنزلى عليها بالكبدة والنار عالية جدااا علشان الكبدة تاخد صدمة وماتنزلش ميتها وأول ماالكبدة يتغير لونها تنزلى عليها بخليط البصل والفلفل الى شوحتيهم وملح وتقلبيهم كويس عشر دقايق
ممكن تعصرى عليها ليمون و قت الاكل

* ممكن تعملي الكبدة مشوية أو بانية او بالردة بنفس التتتبيلة بس المشوية هاتستغنى عن خطوة البصل الى هاتشوحية وتحطى الكبدة فى الثلاجة ساعة وبعدين تتحمر فى السمنة على الجريل او تحطيها فى الفرن فى اسياخ الشيش طاووك فى صنية مدهونة زيت وتدخليها الفرن على درجة 180 وتقلبية كل دقيقة وهتاخد منك تقريبا اربع دقايق فى الفرن

* الكبدة بانية بنفس التتبيلة برضة بس بتبيليها بالدقيق والبيض و البقسماط وبعدين تحطيها فى الثلاجة ساعتين على الأقل وتقليها بالزيت عادى زى البوفتيك وبانية الفراخ

* الكبدة بالردة تتبليها بنفس التتبيلة و تجيبى شوية ردة مع شويه بقسماط وملح وكمون وبابريكا وبقدونس مجفف وفلفل اسود وكسبرة و تقلبيهم مع بعض ونقلبهم على الكبدة واحدة واحدة وندخلهم الثلاجة ساعتين على الأقل وبعد كدة ندهن صاج زيت خفيف بالفرشة ونرص الكبدة وندهن الوش زيت برضة وتدخليه الفرن من 3 دقايق ل 5 دقايق و ممكن تقلية فى الزيت زى البانية عادى

* بتعملى بقى معاهم سلطة الطحينة أو سلطة الكبدة
سلطة الكبدة بلسان العصفور
ربع كيلو كبدة مقطعه صغير اوى
بصلايه وسط مفرومة
فصين توم مفرومين
قرن فلفل احمر او اخضر مفروم ويكون حامى
كوباية لسان عصفور متحمرة و ممكن مش متحمر براحتك
كوبايتين ونص مية
ربع كيلو طماطم معصورة متسبكة او معلقتين ونص صلصه
ملح وكمون وفلفل اسود وكسبرة ناشفه
– تحمرى البصلة وتنزلى عليها بالثوم والفلفل وبعدين الكبدة المتقطعة وتشوحيها لغاية ماتستوى نص سوا
– اول ماتلاقيها استوت نص سوا تنزلى عليها بلسان العصفور يتشوح شوية وبعدها تحطى علية المية و الصلصة و تحطى الملح و الكمون و الفلفل الأسود و الكسبرة الناشفه وتسيبية يستوى وايدك بتقلب فية علشان لسان العصفور مايلزقش فى قعر الحلة تقريبا عشر دقايق

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق