طعام

شيش طاووق الفراخ من مطبخنا

الجديد من مطبخ الهيام

متابعة / نجوى راغب

تقديم / هيام عبدالمنعم نصر

طريقة عمل الشيش طاووك فراخ
وراك مخلية من الجلد والعظم ومقطعة مكعبات
علبة زبادي
ملح
فلفل اسود
بصل بودر
ثوم بودر
حبهان مطحون
زعتر
معلقة خل
معلقة زيت
بابريكا
عصير ليمونة
جنزبيل
معلقتين مايونيز
معلقة مسطردة
نص معلقة كركم وكارى
معلقة كاتشب
رشة سكر
لو عندك صويا صوص حطى معلقة صغيرة
عيدان شيش خشب تبليها مية علشان ماتتحرقش منك
بصل متقطع مكعبات
فلفل رومي متقطع مكعبات
طماطم متقطعة مكعبات بس نشيل منها البذر
ممكن تحطى بطاطس او بصل قورمة صغير او جزر حلقات براحتك
– تجيبى وراك الفراخ متقطعة و تجهزى عصيان الشيش و تجهزى التتبيلة بتاعتة

 


– بتحطى الوراك والفلفل الالوان و مكعبات البصل والفلفل والطماطم فى التتبيلة علشان يشرب منها وسيبيها على الاقل ساعتين فى الثلاجة والافضل من بليل لتانى يوم
– تمسكى كل حتة من بصل وفلفل وطماطم في تحطيهم فى عود الشيش من كل نوع حتة وهكذا
– حطى العيدان على الشواية او على طاسة تيفال سخنة جدا مدهونة بالزيت وتقلبية لغاية مايستوى وكل ماتلاقية قرب ينشف حطى علية من الى فاضل عندك من التتبيلة
– تجيبى حتته فحم مولعه و تحطيها فى طبق فية حبة زيت صغيرة وتحطى بقى الطبق فيها وتغطية علشان تاخد ريحة الفحم والشوى
– ممكن ترصى العيدان في صنية و تدخليها الفرن ربع ساعة و تقلبيها على الوش التانى و تسيبيها عشر دقايق لغاية ماتستوى
– لو هتسويها فى طاسه تيفال بتديها صدمه الاول وبعدين تهدى النار شويه وتغطى الطاسه خمس دقايق و كل شوبه تقلبي لحد ما الجناب كلها تستوي وتكوني مغطياها طول فتره التسويه علشان تستوي كويس
– لو هتعملية فى الفرن يبقى لااازم وراك مش صدور علشان الوراك فيها نسبة دهن بيطريها لكن الصدور مافيهاش دهون فهتنشف منك

 


– لازم اول ماتحطية فى الطاسة او الجريل تدية صدمه الاول على نار عاليه علشان تقفلى مسام الجلد ومينزلش مية ويفضل محتفظ بالسوايل بتاعته
– ممكن تغلفى طاسة بورق فويل وتحطى عليها الفحم المولع وعليها شبكة البوتوجاز و وتولعى عين البوتوجاز و تحطى بقى الشيش كانك بتسوية على شواية عادية
– ممكن تخزنيها فى الفريزر جاهزة بالعصيان وتخرجيها من الفريزر تسيبيها تفك و تشويها على الشواية او الجريل او الطاسة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى