احدث الاخباراقتصادتحقيقاتتقارير

القروض البنكية والنصب علي العملاء

اقوي مقال عن الإقراض

كتب. علاء دياب

لو بتفكر تاخد قرض من البنك الكلام اللي جاي معقد شويه لان فيه اكبر خدعتين البنك بيخدعهم ليك وانت مش واخد بالك فركز واوعدك الكلام هيغير مفهمومك عن القروض بشكل كبيير وبجدول حقيقي

اولا انت هتاخد قرض من البنك بمبلغ ١٠٠ الف جنيه فالبنك هيحسب فايده ١٥ % يعني انت كل سنه هتدفع ١٥ الف جنيه فوق ال١٠٠ الف اصل مبلغ القرض في ٥ سنوات يعني اجمالي ال١٠٠ الف هتدفعها ١٧٥ الف جنيه شامله الفوايد صح كده كمل وخد الصدمه دي

المفترض انك كل ماتدفع قسط ينزل من المديونيه بتاعتك بمعني انك لو قسمت ١٧٥ الف جنيه علي ٥ سنوات هيدوك ٣٥ الف جنيه ولو قسمتهم علي ١٢ شهر يعني ٢٩١٦ جنيه ودا القسط الشهري بتاعك طيب الخدعه فين ؟

الخدعه انك الطبيعي ان كل شهر تدفعه يتخصم من اجمالي المبلغ وفايده الشهر اللي بعده تتحسب علي المبلغ المتبقي بما انك دفعت جزء من القرض وجزء من الفايده يعني اول شهر دفعت ٢٩١٦ جنيه الشهر اللي بعده الفايده تتحسب علي ١٧٥ الف ناقص ٢٩١٦ ودا مبيحصلش لانو لو حصل هتدفع مبلغ اقل بكتيير جدا ودا الحق والعدل بس دا مش في القروض للاسف

الخدعه التانيه هو ان البنك بياخد الفايده كامله من اقساطك اول سنتين ل ٣ سنوات علي حسب نظام كل بنك يعني لو جيت بصيت علي الجدول اللي تحت بتاع اقساطك في البنك هتكتشف ان البنك بياخد ٧٠ % من الفايده و٣٠ % فقط من اصل المبلغ اللي حضرتك استلمته في ايدك ودا بيخليك مجبر تكمل القرض للخمس سنوات مع انك دفعت كل الفوايد اول ٣ سنوات طيب لو جيت طلبت تسدد القرض بعد سنتين مثلا هتلاقي انك دافع فوق ال ٧٠% من فوايد الخمس سنين وهيقولك ادفع كمان ٦% تقريبا رسوم سداد معجل يعني هتكون استفدت بالمال سنتين ودفعت فوايد ٥ سنين ودفعت كمان فلوس زياده

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق