احدث الاخباراخبار مصرالتاريخالتوازن والأمن القوميالجاسوسية والمخابراتالشرق الأوسطتكنولوجياحوادثسياسةعلوم عسكريةقسم تنمية الموارد البشريةمحافظات

اطول المعارك الجويه في التاريخ كانت مصرية

عيد القوات الجوية

متابعة . محمد مرزوق

اطول المعارك الجويه في التاريخ كانت مصرية
اطول المعارك الجويه في التاريخ كانت مصرية

صورة نادرة لطائرة فانتوم إسرائيلية في معركة المنصورة الجوية و يظهر خلفها إنفجار ويبدو أنه في قاعدة المنصورة الجوية و يظهر الإنفجار بعيداً عن الممر

المعركة دي تعد من اطول المعارك الجوية في التاريخ لانها استمرت لمدة 53 دقيقة و شارك فيها 180 طائرة مقاتلة 120 منهم كانت F-4 Phantom ll إسرائيلية و 60 طائرة “Mig21 MF” مصرية
إسرائيل كانت مستميتة انها تخرج قاعدة المنصورة من الخدمة و حاولت كذا مرة في اول ايام الحرب يوم 7& 9 & 12 اكتوبر ولكنهم فشلوا بسبب الدفاع الجوي و اتدمر منهم طيارات في كل مرة و القاعدة دي كان متمركز فيها اللواء الجوي 104 و ده كانت وظيفته الاعتراض و الدفاع الجوي و بيتكون من 3 اسراب من طيارات “Mig 21 MF”و ارقام الاسراب هي ” 42 – 44 – 46 “و اللواء ده حاليا متواجد فيه مقاتلات ” Mig29 M/M2 “

اسرائيل كانت عايزة يوم 14 اكتوبر تعمل هجوم جوي كبير على القاعدة دي عشان تدمر اللواء ده و كمان كانت عايزة تدمر القواعد الجوية الي موجودة في طنطا و الصالحية و انشاص لكن بعد 53 دقيقة فشلوا تماما في تدمير القاعدة و هنا الطيارين المصريين اظهروا براعتهم في القتال و الإشتباك الجوي لانهم كانوا بيقلعوا و يشتبكوا و ينزلوا المطار يتزودوا بالوقود و الذخيرة في 5 دقايق بس و يطلعوا تاني و ده رقم قياسي لانه اقل وقت المفروض 10 دقايق و هنا بقى تظهر كفائة الاطقم الارضية في المطارات لدرجة ان الاسرائيلين افتكروا ان عدد الطيارات المصرية 150 طيارة مش 40 طيارة في المنصورة زي ما القيادة الإسرائيلية قالتلهم و طبعا حصل دعم جوي من قاعدة انشاص و ابو حماد اثناء المعركة

اسرائيل خسرت في المعركة 17 طيارة و الطيارة رقم 18 تم اجبارها على الهبوط و اسر الطيار و مصر خسرت 6 طيارات 3 منهم اسقطتهم الطيارات الإسرائيلية و 2 وقعوا بسبب نفاذ الوقود و طيارة انفجرت بسبب انها كانت قريبة من طيارة فانتوم بتنفجر فالشظايا جات في الميج 21 و فجرتها و كمان الدفاع الجوي أسقط 29 طيارة منهم 2 هيليكوبتر على الجبهة يعني اسرائيل خسرت 47 طيارة في يوم 14 أكتوبر و ده رقم كبير جدا بالنسبة لباقي أيام الحرب و من يومها اتقرر إن ده يبقى عيد القوات الجوية المصرية.

ديلفري جاي في السريع ديلفري جاي في السريع
amazing amazing

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى